Monday, February 8, 2010


Khil jaya karte the dekh ke mujhko jo,
Is bheer me wo chehre talash karta hu.

Ab to watan bhi begaana sa lagta hai,
Pao rakhne ko zamneen talash karta hu.

Zindagi aa dekh mera hausla mere jazbe ko salam ker,
Teri her thoker me manzil ka nishan talash karta hu.

Gard-e-nakami me dhundla gayi hai surat meri,
Her aaene me aks apna talash karta hu.

Ek muqam pe her rishta ajnabi sa lagta hai,
Sehra me shajar-e-sayadar talash karta hu.

Kabhi deewane bhi bech diya karte the jannat,
Kaha gayi taseer zubaan ki talash karta hu.

Kidhare gaya hoga bichad ke mujhse,
Ye soch ke uska naqsh-e-pa talash karta hu.

Muddat hue hai bichre hue us se,
Mai khud me us ammar ko talash karta hu.

Wednesday, June 17, 2009

Khuda-e-barter mere ashqo ko taharat de de,
Jazbaat agar sachh hai to unka haasil de de.

Tujh se chupa kya hai sab kuch to tujh pe ayaan hai,
Jo likha hai naseeb me na de jo behter ho wo de de.

Tanha hoo sehra me kaarwan bhi sath nahi,
Raahbar na de magar jazba-e-safar de de.

Teergi-e-pastagi ne ghera hai hawa bhi mukhalif hai,
Roshnai na de be-baki-e-shola-e-shama de de.